忽然忙碌(更新)
(按連結進入各項活動)
十月本是來悠悠閒閒的，誰料一踏入十月下半個月，各種各樣的活動、聚會突然殺埋身，忙到不行。
就簡單寫o下，有時間有機會先補寫（都應該唔會，哈～）：‧10月16日：與Joy及其他姊妹開會，本來會認識Joy的朋友及表妹，但兩人都因事未能出席，結果變成中學同學聚會。
‧10月18日：彼的舊曆生日，康媽一心要為彼開生日會，邀請黃家上下來晚飯，但當日下午我和康媽要去深圳看中醫（其實又不能稱為中醫，有時間再講），返到屋企已經5、6點，趕趕趕！但康媽依然煮出十幾人飯”食送”（雖然無十幾人咁多）。
‧10月19日：同事在月頭發起去南丫島行山食海鮮，本來無事忙就答應了。雖然路唔難行，但我太無體力，行完超累~~
‧10月20日：我在日本的homestay媽媽和阿妹突然來香港（真的很突然，只是早幾天才通知我），放工又立即趕過銅鑼灣同佢o地食飯行街。但唔知佢o地唔係特別想o黎香港定點，我和彼及艾古尼斯都覺得佢o地好似對咩都無乜興趣。
‧10月21日：繼續陪homestay屋企，但因為Joy要試妝，所以先去陪Joy試妝一陣，9點鐘再同佢o地食甜品，然後搭船過海睇夜景，再去金紫荊，佢o地可能因為太累，都係繼續無乜興趣…
‧10月25日：星期六又上深圳，下晝三點幾返o黎同MK、彼入o左CU遊車河（？），兜到6點幾就入馬鞍山接艾古尼斯，再去超難搵的大埔網球及壁球中心接威蟲，然後入流浮山食海鮮，跟住去沙角食甜品（←真係Ｎ年無去過！）。MK最後再逐個送我o地返家企，真係辛苦晒！
‧10月27日：因為Joy的大婚，的起心肝去修修個頭。飯都無食去剪髮，剪完返到屋企已經十點幾。唔知係咪呢個多星期食得太多o野，個胃好唔舒服，好似肚痛又唔係肚痛，個胃頂住頂住，但屋企無胃藥，結果食o左喇叭牌頂住先。
‧10月28日：腸胃繼續唔舒服，但因為同Angel的食蟹之約一改再改，所以唔想再改，照去食，搵命搏。但食完又無乜o野o咼，唔通喇叭牌真係咁勁？今年係連續第三年去太古的東海，貪佢唔多人，d o野食又ok。
‧10月30日：之前同同事share o左個facial，月尾就到期，唔去唔得，所以又係無食飯咁走過去。第一次去DHC，做面o個部分就一般，步驟無平時去美容院咁多，但佢d按摩都幾舒服，環境都好好，有興趣都可以試o下。（唔知點解做完會送枝花比我呢？有D搞笑~~）
以為10月忙完就得閒返？11月上半個月已經有d活動，約o下約o下可能又出現10月的「盛況」。
‧11月1日：11月的最大event──Joy結婚。第三次做姊妹。
‧11月3日：開始跳健康舞，以後逢星期一上堂。
‧11月6日：彼的表弟又生多個，要飲滿月酒。
‧11月10日：又上堂。
‧11月11日：11月另一大event──彼的生日，已經諗好o左去邊度玩，希望唔會因為我作病而受影響。
‧11月13日：彼另一個表弟入伙，又食飯。
仲有「爆粗」電影的換票證要消滅，要兩星期內用o左佢，免得套戲落畫，又要搵時間去睇。
(0)
