山窮水盡疑無路

今年動漫節比前幾年都要忙，因為今年有２個日本漫畫家ｏ黎，仲要一ｏ黎就帶埋成串人ｏ黎，全公司得３個人識日文，惟有搵外援。但就算搵外授，我ｏ地呢ｄ長工始終要由頭跟到尾。

我跟ｏ既漫畫家本人（睇落）無乜ｏ野，但因為佢ｏ係日本真係超級爆紅，其他日本人當佢神咁拜，好似湊紅星咁湊佢，仲要要求我ｏ地同佢ｏ地一樣咁做，不停指指點點我ｏ地，又唔比人影佢相，又唔比人簽名，一有路人影相就要我ｏ地趕人，食飯一見漫畫家個杯吉少少就要我ｏ地即刻斛茶，差在未要我ｏ地餵埋佢食飯，真係痴痴ｏ地！香港係一個好自由ｏ既社會，就算明知人影向你個方向你都未必出得聲啦，更何況人ｏ地都唔知係咪影你，就要我ｏ地去趕人，真係想我比人打咩！仲有人ｏ地老師都未要求我ｏ地咁服侍佢，就圍ｄ人就好似太監仔咁狐假虎威，真係好討厭！

就係因為呢班咁麻煩ｏ既日本人，漫畫節幾日我都失眠，佢ｏ地一走，我就好訓到不得了～～

雖然中間有好多麻煩ｏ野令我唔太開心，但而家終於都叫做完，我已經立即忘記呢一切，開開心心等９月頭去旅行！

o岩o岩叫做趕完漫畫節o既書，又即刻出差。

今次只有我一個人，算係少有。因為公司其他人都忙都死，只有我一個趕完o野得閒，所以就派我去。

雖然今次只係我自己一個人去，但反而覺得好緊張。
就因為得一個人去，所以更加唔可以比公司覺得你去o左玩，公司要我去做o既o野更加要做得好，所以反而壓力大。
而且今次係我o係呢間公司第一次出差，乜都唔知，又無人同我講要點做，真係有d”r”頭。

我星期二出發，星期六返，到時再見啦~~

雖說我平日的生活很正常，稱不上宅女（就是「御宅族女生」），套用某大大的說話，就係「連宅邊都稱不上」。
但係，做得我呢行，多多少少有ｄ宅女傾向先可以繼續呆下去的。
（唔，咁講啦，就係會喜歡宅女喜歡的東西，但不算沉迷，當然也沒有她們對動漫的廣泛而又深入的認知）

最近又沉迷玩game，玩的是心跳回憶Girl's side 2nd kiss，簡而言之是一隻溝仔game。
雖然未至於係fans，但其實之前同系列作的幾個追女仔版本我都有玩的。
今次除了男角設定比上一集靚仔外（起碼正常d，唔會突然有個鬍鬚叔叔出現！），玩法大致上同上一集一樣，就係盡一切所能去追個男仔，包括約佢出街、扮靚自己、著佢鍾意o既衫等等，最終目的係過完3年高校生活之後，對方會o係你畢業o個日同你告白。

好啦好啦，唔再講隻game，我想講o既重點係，我花o左成個星期、心心程度差一格去到最高的男生竟然無向我表白！
有無搞錯，今次難玩咁多o架！我已經唔係追超級難追的男主角o架啦~~~

真係好唔忿氣！我要搵攻略追晒佢o地！哼！

（睇完呢一篇o既人，應該明白我同彼其實有幾夾，呵呵呵~~）

星期六OT後到了太古。
為了獎勵自己辛勞工作，決定到Pizza Express食我最鍾意的Pizza同沙律，加埋杯Ice Tea，真係舒服晒~~~

星期日就趁太陽就快落山時游1個鐘水，抒發一下壓力，感覺心理平衡一點。

星期一返工又再衝衝衝啦~~

竟然因為黑球而取消！

本來已約好同事一齊返工做o野，仲約定彼一齊食早餐，半夜聽到雨聲愈黎愈勁，即刻起身閂窗，同時仲諗起聽日返工落咁大雨好麻煩。
八點起身，為穩陣計，都係開電視望o下天氣點，點知一開就發現黑雨，即刻返入房再訓過…

雖然有o野未做，但這個三連休竟然失而復得，心裡禁不住高興起來（雖然我在家其實無所事事…）。

登登登登──就係右手邊呢個「碎碎唸唸」！

因為呢排忙，可能唔係咁得閒寫blog，但我會盡量每日update呢一欄的。
因為唔駛log in入網誌，又唔駛整呢樣整o個樣，所以寫起o黎方便好多。

多謝大家捧場！

→→→→→→→→→→→→→→→→→→→→→→→→→→→→→→→→→