台灣美食團の組成
講美食之前，先要介紹o下今次的團長。
團長係我隔離位的為食精兼台灣迷同事，熟台灣多過旺角，聞說她瘋狂時不足兩個月就飛一轉台灣。成團的原因，係某日貪靚同事講開不如組個美食團，加上有舊同事在台灣租屋，大家都有免費住宿，又有台灣迷擔任團長，結果自然一呼百應。
不過，同事始終係同事，唔係個個o岩傾o岩玩，睇o下人腳o既配搭，就知有幾九唔搭八：
團長：為食乾物女
副團長：即係住o係台灣o既舊同事，重度BL腐女。
團友J：超靜，同佢識o左十年o既同事都話佢無o野講。
團友S：團友J的家姐。
團友L：貪靚港女，鍾意嘆，唔行得唔拎得。
團友Y：溫室宅女。
加埋本人，一共七人在台灣共度了三天時光。結果？
就係對D同事加深o左了解囉，無鬧交、無出意外，個個順利返o黎（其實正、副團長仲o係台灣玩緊），可喜可賀！
其實相中隱藏了幾位團友，係邊個就自己估啦~~
(0)
